የሚያጽናኑ ጥቅሶች

በጭንቀትና በመከራ ፥ በሐዘን ጊዜ የሚከተሉትን የመጽሐፍ ቅዱስ ቃላትና ጥቅሶች ካስታወሳችሁ ትጽናናላችሁ።

ሠፋ ላለ ንባብ ከመጽሐፍ ቅዱስ በተጨማሪ የቅዱስነታቸው አቡነ ሺኖዳ ሣልሳዊን ”መንፈሳዊ ቃላትና ጥቅማቸው” የሚለውን ያንብቡ። ይህም ንባብ በዚህ መጽሐፍ የተወሰደ ነው።

  • እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ። (ማቴዎስ 28፥20)
  • እርሱ ግን (ኢየሱስም) እኔ ነኝ፤ አትፍሩ አላቸው። (ዮሐንስ 6፥20)
  • ሙሴም ለሕዝቡ። አትፍሩ፥….. ዛሬ ለእናንተ የሚያደርጋትን እግዚአብሔርን ማዳን እዩ። እግዚአብሔር ስለ እናንተ ይዋጋል፥ እናንተም ዝም ትላላችሁ አላቸው። (ዘጸአ 14፥13-14)

Continue reading የሚያጽናኑ ጥቅሶች

የመስቀል በዓል በድምቀት ተከበረ

በስዊድን ሀገር በጎተንበርግ ከተማ የኦርቶዶክስ ተዋሕዶ እምነት ተከታዮች በደብረ ኃይል ቅዱስ ገብርኤል እና ቅዱስ ጊዮርጊስ ቤተክርስቲያን በደማቅ ሁኔታ ተከበረ።

በዓሉ በጸሎት ተጀምሮ ወረብ በማቅረብ ቀጥሎ አባቶች በተገኙበት በምርቃት ተባርኮ ደመራው በርቷል።

ምዕመኑም በዝማሬ በመታጀብ በደመራው ዙሪያ በማሸብሽብ በእልልታና ጭብጨባ አድምቀውት፣ የሚመጣውን የደመራ በዓል እንድንናፍቀው አድርገዋል።

እንደወትሮው ሁሉ የደብሩ ማጀት እንዳይጎድል ደፋ ቀና የሚሉት ምእመናን ጣፋጭ የበረከት ማእድ ለታዳሚው በማቅረብ በደስታ የረድኤቱ ተካፋይና አካፋይ ሆነው አምሽተዋል።

የዘመናት ጌታ ለዘላለም ይክበር ይመስገን። አሜን።

[flagallery gid=1]

ሞክሼ ፊደላት

በስመ አብ ወወልድ ወመንፈስ ቅዱስ አሐዱ አምላክ አሜን

(ይህ ጽሑፍ ለመጀመሪያ ጊዜ በጉተንበርግ ሐምሌ 18 ለገብርኤል በዓል ቀርቦ፣ ኦስሎ ላይ ተጨማሪ ይዘቶች ታክለውበት በነሐሴ 23 ለተክለኃይማኖት በዓል የቀረበ እና በቅርቡ ሌሎች ማሻሻያዎች ተደርገውበት የተዘጋጀ ነው።)

በመጀመሪያ ለልዑል እግዚአብሔር ምስጋና ይግባውና ሞክሼ ፊደላት የሚባሉት በንባብና በንግግር ጊዜ ተመሣሣይ ድምፅ ያላቸው ሆነው ነገር ግን ሲጻፉ በቅርፆቻቸው የሚለያዩ ፊደላት ሲሆኑ እነዚህም ሃሌታው ፣ ሐመሩ ፣ ብዙኃኑ ፤ ንጉሡ ፣ እሳቱ ፤ እሳቱ ፣ ዓይኑ ጸሎቱ እና ፀሐዩ ናቸው፡፡

የዚህ አጭር ጽሑፍ ዋና፤ ዋና አላማዎችም የሚከተሉት ናቸው፡፡

1 ሞክሼ ፊደላትን አንዱን በሌላው ቦታ እየተኩ መጻፍ የሚያስከትለውን የትርጉምና የምሥጢር መፋለስ መጠቆም፤

2 እያንዳንዱ ፊደል/ ሆሄ የራሱ የሆነ ትርጉም እንዳለው በምሳሌ ማሳየት፤

3 ቢያንስ የቅዱሳን ስም ሲጻፍ ጥንቃቄ እንዲደረግ ማሳሰብ፤

4 ሞክሼ ፊደላት በያሬዳዊ የዜማ ምልክቶች ላይ ያላቸውን ሚና ማሳየት፤

5 የቤተ ክርስቲያንን አስተምህሮ ምክንያታዊነት መግለጽ ሲሆኑ ለጽሑፉ መነሻ የሆኑት ምክንያቶች ደግሞ፡-

Continue reading ሞክሼ ፊደላት

የሰማዕቱ ቅዱስ ጊዮርጊስ ታሪክ በአጭሩ

ቅዱስ ጊዮርጊስ ሰማዕት በፍልስጤም ግዛት ልዩ ስሙ ልዳ በሚባል አገር በ፫ኛው መቶ ክፍለ ዘመን ተወለደ፡፡

አሥር ዓመት ሲሆነው አባቱ አረፈ፡፡ እሱም በዘመኑ የነበረውን ትምህርት ማለትም ፈረስ መጋለብ፤ ጦር ውርወራና ጋሻ መመከት እየተማረ አደገ፡፡ ሃያ ዓመት ሲሞላው ፲፭ ዓመት ከሆናት የንጉሥ ልጅ ጋር ሊያጋቡት ቢሞክሩም እግዚአብሔር ለልዩ አገልግሎት መርጦታልና የጋብቻ ጥያቄውን አልቀበልም በማለት ስለእምነቱ እየመሰከረ ፈጣሪውን ማገልገል ጀመረ። ”በሰው ፊት ለሚመሰክርልኝ ሁሉ እኔ ደግሞ በሰማያት ባለው በአባቴ ፊት እመሰክርለታለሁ፡፡” እንዲል (ማቴ. ፲፥፴፪)

የቤይሩት (የሊባኖስ) ሰዎች ደራጎንን እያመልኩ ሴት ልጃቸውን ይገብሩለት ነበር፡፡ ሰማዕቱ ቅዱስ ጊዮርጊስም ቤይሩታዊቷን ወጣት ታድጎ/አድኖ ደራጎኑን በበትረ መስቀሉ ድል በማድረግ ገድሎታል፡፡በፋርስ (በኢራን) ዱድያኖስ የተባለ ንጉሥ ሰባ ነገሥታትን እየሰበሰበ ለሰባ ጣዖታት ሲሰግድና ሲያሰግድ ይኖር ነበር፡፡ ቅዱስ ጊዮርጊስ ሰማዕትም እንደ ኤልያስ ለእምነቱ ቀንቶ ንጉሡን መገሰጽ ጀመረ፡፡“ሥጋንም የሚገድሉትን ነፍስን ግን መግደል የማይቻላቸውን አትፍሩ፤ ይልቅስ ነፍስንም ሥጋንም በገሃነም ሊያጠፋ የሚቻለውን ፍሩ።” እንዲል፡፡ (ማቴ. ፲፥፳፰)
ለሰባት ዓመታት ያህል ልዩ ልዩ መከራን እየተቀበለ በጽኑዕ ተጋድሎ ከኖረ በኋላ ሚያዝያ ፳፫ ቀን በ፳፯ ዓመቱ ሰማዕትነትን ተቀብሎ አርፏል፡፡

የሰማዕቱ የቅዱስ ጊዮርጊስ በረከትና ረድኤት አይለየን፤ ለእርሱ የሰጠውን የእምነት ጽናትና ብርታት ለእኛም ያድለን፡፡