የሚያጽናኑ ጥቅሶች

በጭንቀትና በመከራ ፥ በሐዘን ጊዜ የሚከተሉትን የመጽሐፍ ቅዱስ ቃላትና ጥቅሶች ካስታወሳችሁ ትጽናናላችሁ።

ሠፋ ላለ ንባብ ከመጽሐፍ ቅዱስ በተጨማሪ የቅዱስነታቸው አቡነ ሺኖዳ ሣልሳዊን ”መንፈሳዊ ቃላትና ጥቅማቸው” የሚለውን ያንብቡ። ይህም ንባብ በዚህ መጽሐፍ የተወሰደ ነው።

  • እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ። (ማቴዎስ 28፥20)
  • እርሱ ግን (ኢየሱስም) እኔ ነኝ፤ አትፍሩ አላቸው። (ዮሐንስ 6፥20)
  • ሙሴም ለሕዝቡ። አትፍሩ፥….. ዛሬ ለእናንተ የሚያደርጋትን እግዚአብሔርን ማዳን እዩ። እግዚአብሔር ስለ እናንተ ይዋጋል፥ እናንተም ዝም ትላላችሁ አላቸው። (ዘጸአ 14፥13-14)

  • ጻድቃን እጃቸውን ወደ ክፋት እንዳይዘረጉ የኃጥኣን በትር በጻድቃን ዕጣ ላይ አይኖርም። (መዝሙር 125፥3)
  • (እግዚአብሔር ለያዕቆብ) እነሆም እኔ ከአንተ ጋር ነኝ፥ በምትሄድባትም መንገድ ሁሉ እጠብቅሃለሁ፥ ወደዚችም ምድር እመልስሃለሁ፤ የነገርሁህን ሁሉ እስካደርግልህ ድረስ አልተውህምና። (ዘፍጥረት 28፥15)
  • እኔ አድንህ ዘንድ ከአንተ ጋር ነኝና ከፊታቸው አትፍራ፥ ይላል እግዚአብሔር። (ኤርምያስ 1፥8)
  • (ጌታም በራእይ ጳውሎስን) እኔ ከአንተ ጋር ነኝ፥ ማንም ክፉ ሊያደርግብህ የሚነሣብህ የለምና አትፍራ….. (ሐዋርያት 18፥9-10)
  • በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ። (ዮሐንስ 16፥33)
  • በሞት ጥላ መካከል እንኳ ብሄድ አንተ ከእኔ ጋር ነህና ክፉን አልፈራም….. (መዝሙር 23፥4)
  • እግዚአብሔር ከክፉ ሁሉ ይጠብቅሃል፥ ነፍስህንም ይጠብቃታል። ከዛሬ ጀምሮ እስከ ዘላለም እግዚአብሔር መውጣትህና መግባትህን ይጠብቃል። (መዝሙር 121፥7-8)
  • እግዚአብሔር ብርሃኔና መድኃኒቴ ነው፤ የሚያስፈራኝ ማን ነው? እግዚአብሔር የሕይወቴ መታመኛዋ ነው፤ የሚያስደነግጠኝ ማን ነው?…..ሠራዊትም ቢሰፍርብኝ ልቤ አይፈራም፤ ሰልፍም ቢነሣብኝ በዚህ እተማመናለሁ። (መዝሙር 27፥1 እና 3)

ወስብሐት ለእግዚአብሔር።

Leave a Reply

Your email address will not be published. Required fields are marked *