የእመቤታችን ዓመታዊ በዓል

 
የዛሬ ሳምንት ቅዳሜ ግንቦት 19 (May 27) የእመቤታችንን ዓመታዊ በዓል ለማክበር ወደ ሉንድ ደብረ ምጥማቅ ቅድስት ማርያም ቤተ ክርስቲያን መንፈሳዊ ጉዞ ስለሚደረግ
በማግስቱ እሑድ ግንቦት 20 (May 28) በቤተ ክርስቲያናችን የተለመደው የቅዳሴ መርሐ ግብር የማይኖር መሆኑን ከወዲሁ እንገልጻለን፡፡

 

የዛሬ ሳምንት ቅዳሜ ግንቦት 19 (May 27) የእመቤታችንን ዓመታዊ በዓል ለማክበር ወደ ሉንድ ደብረ ምጥማቅ ቅድስት ማርያም ቤተ ክርስቲያን መንፈሳዊ ጉዞ ስለሚደረግ በማግስቱ እሑድ ግንቦት 20 (May 28) በቤተ ክርስቲያናችን የተለመደው የቅዳሴ መርሐ ግብር የማይኖር መሆኑን ከወዲሁ እንገልጻለን፡፡

ሰላመ እግዚአብሔር ከሁላችን ጋር ይሁን፡፡

የደብረ ኃይል ቅዱስ ገብርኤልና ቅዱስ ጊዮርጊስ ቤተ ክርስቲያን፡፡

የሚያዝያ ጊዮርጊስ ዓመታዊ በዓል

እሑድ ሚያዝያ 22 (April 30) ብፁዕ አቡነ ኤልያስና ሌሎችም አባቶች በተገኙበት ይከበራል
በዋዜማውም ቅዳሜ ማታ ሚያዝያ 21 (April 29) ከ17፡30 ሰዓት ጀምሮ የዋዜማ ቁመትና የስብከተ ወንጌል መርሐ ግብር ይኖራል
እንዲሁም ሰኞ ሚያዝያ 23 (May 1) የጊዮርጊስ ዕለት ከጧቱ 8፡00 ጀምሮ ጸሎተ ቅዳሴው ከተካሄደ በኋላ ትምህርተ ወንጌል በአባቶች ይሰጣል

 

ሚያዝያ ጊዮርጊስ ዓመታዊ በዓል 

የዘንድሮው የሚያዝያ ጊዮርጊስ ዓመታዊ በዓል ቤርሾዳለን 44 በሚገኘው የደብረ ኃይል ቅዱስ ገብርኤልና ቅዱስ ጊዮርጊስ ቤተ ክርስቲያን እሑድ ሚያዝያ 22 (April 30)ብፁዕ አቡነ ኤልያስና ሌሎችም አባቶች በተገኙበት ይከበራል፡፡ አከባበሩም አባቶች ካህናት ሌሊቱን በማኅሌት ጧት በቅዳሴ አገልግሎታቸውን ከቀጠሉ በኋላ ትምህርተወንጌል ይሰጥና የቅዱስ ጊዮርጊስ ጽላት ከመንበረ ክብሩ ወጥቶ ሥርዓንግሡ የሚካሄድ ይሆናል፡፡  በዋዜማውም ቅዳሜ ማታ ሚያዝያ 21 (April 29) 1730 ሰዓትጀምሮ የዋዜማ ቁመትና የስብከተ ወንጌል መርሐ ግብር ይኖራል፡፡

እንዲሁም ሰኞ ሚያዝያ 23 (May 1) የጊዮርጊስ ዕለት ከጧቱ 800 ጀምሮ ጸሎተ ቅዳሴው ከተካሄደ በኋላ ትምህርተ ወንጌል በአባቶች ይሰጣል፡፡

 ስለዚህ ይህንን መንፈሳዊ ጥሪ የምታነቡ ሁሉ በተባለው ሰዓትና ቦታ ተገኝታችሁ የበዓሉ በረከት ተሳታፊዎች ትሆኑ ዘንድ በቤተ ክርስቲያናችን ስምተጋብዛችኋል፡፡

ሰላመ እግዚአብሔር ከሁላችን ጋር ይሁን፡፡ 

የደብረ ኃይል ቅዱስ ገብርኤልና ቅዱስ ጊዮርጊስ ቤተ ክርስቲያን

የሰሙነ ሕማማት ፕሮግራም

የሰሙነ ሕማማት ፕሮግራም ሚያዝያ 2 – 5 (April 10 – 13)
ሰኞ፤ ማክሰኞና ረቡዕ ከቀኑ 15፡00 ጀምሮ ቤተ ክርስቲያኑ ለጸሎትና ለስግደት ክፍት ይሆናል
ሐሙስ (የጸሎተ ሐሙስ ቀን) ከቀኑ 12፡00 ጀምሮ እስከ 17፡00 ሰዓት ድረስ የሕፅበተ እግር ፕሮግራም ይደረጋል
ዓርብ (የስቅለት ቀን) ከጧቱ 10፡00 ሰዓት ጀምሮ የጸሎት፤ የስግደት፤ የትምህርትና የተለያዩ መንፈሳዊ ፕሮግራሞች ይኖራሉ
የትንሳኤ ፕሮግራም – ቅዳሜ ማታ ቤተ ክርስቲያኑ ከ20፡00 ሰዓት ጀምሮ የሚከፈት ሲሆን ከ 21፡00 እስከ 00፡00 የወንጌል ትምህርትና የተለያዩ መንፈሳዊ ፕሮጋራሞች ይቀርባሉ
የትንሳኤ ፕሮግራም – ከሌሊቱ 00፡30 ሰዓት ጀምሮ ጸሎተ ቅዳሴው ይካሄዳል

 

የሰሙነ ሕማማት ፕሮግራም ሚያዝያ 2 – 5 (April 10 – 13)

1. ሰኞ፤ ማክሰኞና ረቡዕ ከቀኑ 1500 ጀምሮ ቤተ ክርስቲያኑ ለጸሎትና ለስግደት ክፍት ይሆናል፡፡

 2. ሐሙስ (ጸሎተ ሐሙስ ቀን) ከቀኑ 1200 ጀምሮ እስከ 1700 ሰዓት ድረስ የሕፅበተ እግር ፕሮግራም ይደረጋል፡፡

 3. ዓርብ (የስቅለት ቀን) ከጧቱ 1000 ሰዓት ጀምሮ የጸሎት፤ የስግደት፤ የትምህርትና የተለያዩ መንፈሳዊ ፕሮግራሞች ይኖራሉ፡፡

 4. የትንሳኤ ፕሮግራም

ቅዳሜ ማታ ቤተ ክርስቲያኑ 2000 ሰዓት ጀምሮ የሚከፈት ሲሆን 2100 እስከ 0000 የወንጌል ትምህርትና የተለያዩ መንፈሳዊ ፕሮጋራሞች ይቀርባሉ፡፡

ከሌሊቱ 0030 ሰዓት ጀምሮ ጸሎተ ቅዳሴው ይካሄዳል፡፡

 

እግዚአብሔር አምላክ ለብርሃነ ትንሣኤው በሰላም ያድርሰን፡፡

ልዩ የወላጆች የትምህርት መርሐ ግብር በአውሮፓ ለሚኖሩ ለሁሉም ምእመናን

ቀኑ : መጋቢት 30 ቀን 2009 ዓ.ም. (April 8, 2017 20:00-22:30 CET)
የሚቀርብበት መንገድ : በፓልቶክ – All Rooms–>Religion and Spirituality–>Christianity- >Gorgorios Abune

ልዩ የወላጆች የትምህርት መርሐ ግብር በአውሮፓ ለሚኖሩ ለሁሉም ምእመናን!

በኢትዮጵያ ኦርቶዶክስ ተዋሕዶ ቤተ ክርስቲያን ሰ/ት/ማ/መ/ ማኅበረ ቅዱሳን የአውሮፓ ማእከል የተተኪ ትውልድ አገልግሎት ክፍል የተዘጋጀ።
መጋቢት 30 ቀን 2009 ዓ.ም. (April 8, 2017 20:00-22:30 CET)
በፓልቶክ – All Rooms–>Religion and Spirituality–>Christianity- >Gorgorios Abune
የወላጆች የትምህርት መርሐ ግብር

ቤተክርስቲያናችን የመንፈሳዊ ዜማ ኮንፈረንስ ላይ ተሳተፈች …

የቤተክርስቲያናችን ሰንበት ትምህርት ቤት በጎተንበርግ ከተማ በተደረገ የመንፈሳዊ ዜማ ኮንፈረንስ ላይ ከአባቶች እንዲሁም ከመመናኑ ጋር በመሆን  የደመቀ ተሳትፎ አድርጓል

በእለቱም የተለያዩ ወቅቱን የሚያወሱ ያሬዳዊ ዜማዎች የቀረቡ ሲሆን ለተገኙትም ታዳሚዎች ስለዜማዎቹ ይዘት እና ምንጭ መጠነኛ ገለጻ ተደርጓል

20160910_095029

 

አመታዊው የመስቀል ደመራ በአል በደማቅ ሁኔታ ተከበረ …

እንደቀደሙት አመታት ሁሉ የዘንድሮውም የመስቀል ደመራ ክብረ በአል በደመቀ ሁኔታ ተከብሯል

በእለቱ ከበድ ያለ ዝናብ ቢጥልም  የተገኘው በዛ ያለ ምእመን በአሉን በደማቅ ሁኔታ አክብሮት አምሽቷል

ማስታወቂያ

ባለፈው እሑድ መስከረም 22 ቀን 2009 ዓ ም (Oktober 2 – 2016) በደብረ ዘይት (ቢሾፍቱ) በሚከበረው ባህላዊ የእሬቻ በዓል ላይ ባሳዛኝና ባሰቃቂ ሁኔታ ሕይወታቸው ላጡ ኢትዮጵያውያን ወገኖቻችን ነገ እሑድ መስከረም 29 ቀን 2009 ዓ ም (Oktober 9 – 2016) Bergsjödalen 44 በሚገኘው የደብረ ኃይል ቅዱስ ገብርኤልና ቅዱስ ጊዮርጊስ ቤተ ክርስቲያን የዕለቱ ሥርዓተ ቅዳሴ ከተጠናቀቀ በኋላ ጸሎተ ምሕላና ጸሎተ ፍትሐት ይደረጋል፡፡
ስለዚህ ይህ ጥሪ የደረሳችሁ ሕዝበ ክርስቲያን በሙሉ ከላይ በተገለፀው ቦታ በሰዓቱ በመገኝት በሚካሔደው ጸሎተ ምሕላና ጸሎተ ፍትሐት ላይ ተካፋይ ትሆኑ ዘንድ ላልሰሙትም እንዲያሰሙ በእግዚአብሔር ስም ጥሪያችንን እናቀርባለል።

የጎተንበርግ ደብረ ኃይል ቅዱስ ገብርኤልና ቅዱስ ጊዮርጊስ ቤተ ክርስቲያን፡፡

የእግዚአብሔር ሰላም ከሁላችን ጋር ይሁን፡፡

መንፈሳዊ ደስታ

መንፈሳዊ ደስታ

መንፈሳዊ ደስታ ውጤቱ እጽፍ ድርብ የሆነ ዘለአለማዊ ደስታ ነው:: ሐዋርያት ጌታን ባዩ ጊዜ ደስ አላቸው እርሱም ሰላም ለእናንተ ይሁን . . እንደገና አያችኋለሁ ልባችሁም ደስ ይለዋል ደስታችሁንም የሚወስድባችሁ የለም” በማለት ማንም የማይቀማቸው ደስታ መሆኑንና ዘለዓለማዊ መሆኑን ነግሯቸዋል (ዩሐ.16 ፥ 22 ፣ ዩሐ. 20 ፥ 20)፡፡ ቅዱስ ጳውሎስም ሁል ጊዜ በጌታ ደስ ይበላችሁ ደግሜ እላለሁ ደስ ይበላችሁ” በማለት ለሰው ልጆች የሚጠቅመውን ምክር ሰጥቷል (ፊል.4፥4):: እመቤታችን ቅድስት ድንግል ማርያም ደግሞ የደስታን ታላቅነትና ዘለአለማዊነት እንዲህ ስትል ትገልጻለች ነፍሴ ጌታን ታከብረዋለች መንፈሴም በአምላኬ በመድኃኒቴ ሐሴት ታደርጋለች” (ሉቃ. 1፥ 47):: እመቤታችን ቅድስት ድንግል ማርያም ደስ የሚያሰኝ ድምፅና ምስጋና ትሰማ ነበር:: ጌታን በፀነሠች ጊዜ ቅዱሳን መላእክት ማኅፀንዋን ዓለም አድርገው ቅዱስ ቅዱስ ቅዱስ እግዚአብሔር እያሉ በማኅፀንዋ ሲያመሠግኑ ትሰማ ነበርና (አረጋዊ መንፈሳዊ ገጽ 25)

ሌላው የወንጌል አስደሳችነት በዕርቅና በንሰሐ ኃጢአትን በማስወገድ የሚገኝ ደስታ ነው:: ሰው ሁሉ ከኃጢአትና ከልዩ ልዩ መጥፎ ልማዶች በቃለ ወንጌል ነፃ ሲወጣ ፣ በንሰሐ ኃጢአትን ድል ሲነሳ፣ ይቅርታን ሲያገኝ እጅግ ደስ ይለዋል:: ይህ ደስታ የጠፋው ልጅ ወደ አባት ቤት በመመለሱ የተደሰተው ደስታ ነው (ሉቃ.15 ፥ 24)፡፡ ነቢዩ ዳዊትም ምን እንዳለ እንመልከት በሂሶጵ እርጨኝ እነፃለሁ እጠበኝ ከበረዶም ይልቅ ንፁህ እሆናለሁ ሐሴትንና ደስታን አሰማኝ የጻድቃንም አጥንቶችም ደስ ይበላቸው” (መዝ.50፥8):: ወደ እግዚአብሔር ቤት እንሂድ ባሉኝ ጊዜ ደስ አለኝ” በማለት በተደጋጋሚ ተናግሯል (መዝ. 121፥1):: ይህ ደስታ ሰው ሁሉ ከእግዚአብሔር ጋር ሲገናኝ ዘላለማዊ የሆነ ደስታ እንደሚያገኝ የሚገልጽ ነው። መጥምቁ ዩሐንስ “ሙሽራ ያለችው ሙሽራ ነው ቆሞ የሚሰማው የሙሽራው ሚዜ ግን በሙሽራው ቃል እጅግ ደስ ይለዋልየእኔ ደስታ አሁን ተፈፀመች” ብሏል (ዩሐ.3 ፥ 29)፡፡ ይህ ደስታ ከራስ ምኞት ነፃ የሆነ መንፈሳዊ ደስታ ነው። በወንጌል ትምህርት ሕዝቡን ከእግዚአብሔር ጋር አገናኝቷል። “በልቅሶ የሚዘሩ በደስታ ያጭዳሉ” (መዝ.125 ፥ 5) በእግዚአብሔር ፍቃድ የሚሠሩ ከፍሬው የተነሳ ደስተኞች ናቸው። ቅዱስ ጳዉሎስ “ኃዘንተኞች ስንሆን ዘወትር ደስ ይለናል” (2 ቆሮ. 6 ፥ 10) ካለ በኋላ “አሁን ከመከራዬ ስለ እናንተ ደስ ይለኛል” ብሎ እንደተናገረ። ከእግዚአብሔር ጋር በመሆን የሚዘራና የሚያጭድ አብረው ደስ ይላቸዋል (ዩሐ.4፥36)። ቅዱስ ወንጌል ደስ ከሚላቸው ጋር ደስ ይበላችሁ” ይላልና (ሮሜ. 12፥15)። እኛ በክርስቶስ አንድ አካል ነን። አንድ ሰው በቃለ ወንጌል ቢደሰት ሌሎችም ሰዎች ከእርሱ ጋር እና በእርሱ ይደሰታሉ። በሰዎች ደስታ መካፈል መልካም ምግባር ነውና (ሉቃ.15 ፥ 10)፡፡ የኤልሳቤጥ ዘመዶችና ጎረቤቶች ለቅድስት ኤልሳቤጥ ጌታ ምሕረቱን እንዳደረገላት ሰምተው ከኤልሳቤጥ ጋር ደስ አላቸው (ሉቃ.1 ፥ 57)፡፡ ቅዱስ ጳውሎስ በቃለ ወንጌል የተደሰቱትን ምእመናንን እንዲህ ሲል አመስግኗል “እነሆ እናንም እኛንና ጌታን መሰላችሁ በብዙ መከራ ከመንፈስ ቅዱስ ደስታ ጋር ተቀብላችኋል ለሌሎች ሰዎችም ሁሉ ምሳሌ ሆናችኋል የጌታችንን ቃል ከእናንተ ሰምተው ተምረዋልና ደግሞም በእግዚአሔር ማመናችሁ በየሀገሩ ተሰምቷል” (1 ተስ 1፥6–10)፡፡ ቅዱስ ጴጥሮስም አሁንም በጌትነቱ በተገለጠ ጊዜ ደግሞ ድስ ብሏችሁ ሐሴት እንድታደርጉ ክርስቶስን በመከራ ትመስሉት ዘንድ ደስ ይበላችሁ፤ ስለ ክርስቶስ ስም ብትነቀፉ ብፁዓን ናችሁ” በማለት የወንጌል አስደሳችነት ከመከራ ሁሉ እንደሚያወጣ አስገንዝቧል (1 ጴጥ. 4 ፥ 13፤ ሐዋ. 5 ፥ 41)፡፡ የእግዚአብሔር መንግሥት ጽድቅና ሰላም በመንፈስ ቅዱስ ከሆነ ደስታ ነው እንጂ መብልና መጠጥ አይደለምና ፤ በቃለ ወንጌል ለክርስቶስ የሚገዛ ግን እግዚአብሔርን ደስ የሚያሰኝና በሰውም ዘንድ የተመረጠ ነው፡፡

አህዛብም የእግዚአብሔርን ቃል ሰምተው ደስ አላቸው የእግዚአብሔርም ቃል በየሀገሩ ሁሉ ተዳረሰ መንፈስ ቅዱስም በደቀ መዛሙርቱ ላይ ሞላ ደስም አላቸው (ሮሜ 14 ፥17 ፣ ሐዋ. 13 ፥ 52)፡፡ ጌታም “በፍቅሬ ኑሩ ደስታዬ በእናንተ ይኖር ዘንድ ደስታችሁም ፍፁም ይሆን ዘንድ” እንዳለው ፤ ደስታችን ፍፁም መሆኑን አረጋግጠናል፡፡ ነቢዩ ዳዊት “ነፍሴ ግን በእግዚአብሔር ደስ ይላታል በማዳኑም ሐሴት ታደርጋለች” (መዝ. 33 ፥ 9)። የሰው ልጆችም በክንፎችህ ጥላ ይታመናሉ ከቤትህ ጠል ይረካሉ ከደስታህም ፈሳሽ ታጠጣቸዋለህ የሕይወት ምንጭ ከአንተ ዘንድ ነውና” (መዝ. 34 ፥ 8) የዋሆች ምድርን ይወርሳሉ በብዙም ሰላም ደስ ይላቸዋል ርስታቸውም ለዘለዓለም ነው” ብሏል (መዝ. 35 ፥ 11)። በመቀጠልም “አቤቱ የፊትህ ብርሃን በላያችን ታወቀ በልባችን ደስታን ጨመርህ ፤ ከስንዴ ፍሬና ከወይን ዘይትም ይልቅ በዛ በአንተ የሚታመኑት ሁሉ ለዘለዓለሙ ደስ ይላቸዋል” (መዝ. 4 ፥ 7 ፣ መዝ. 5 ፥ 11)፡፡ በማለት ቅዱስ መጽሐፋችን መንፈሳዊ አስደሳችነትን በተደጋጋሚ ገልጿል፡፡ መልአኩም እንዲህ አለ እነሆ ለእናንተ ለሕዝቡ ሁሉ ደስታ የሚሆን ታላቅ የምስራች እነግራችኋለሁ አትፍሩ” (ሉቃ. 2 ፥ 10)፡፡ ሕዝቡም ሁሉ ቃለ ወንጌልን ሲሰሙ ፈጽሞ ደስ እንዳላቸው ቅዱስ ማርቆስ እንዲህ ሲል ጽፎልናል ሕዝቡም ደስ ብሎአቸው ያዳምጡት ነበር” (ማር. 12 ፥ 37)። ጌታችን መድኃኒታችን ኢየሱስ ክርስቶስም የወንጌልን አስደሳችነት ምድራዊና ጊዜያዊ ብቻ አለመሆኑን ለደቀ መዛሙርቱ እንዲህ ሲል አስረድቶአቸዋል ነገር ግን አጋንንት (መናፍስት) ስለተገዙላችሁ ደስ አይበላችሁ ግን ስማችሁ በመንግሥተ ሰማያት ስለተጻፍ ደስ ይበላችሁ” (ሉቃ. 10 ፥ 20)፡፡ ሕገ ወንጌልን ጠብቀውና በታማኝነት የሚኖሩ ሁሉ ወደ ዘለዓለም ደስታ እንደሚገቡም እንዲህ ሲል አስተምሯል ጌታውም መልካም አንተ የታመንህ በጎ አገልጋይ ፤ በጥቂቱ የታመንህ ስለሆንክ በብዙ እሾምሃለሁ ፤ ወደ ጌታህ ደስታ ግባ አለው” (ማቴ. 25 ፥ 21)፡፡

ወስበሐት ለእግዚአብሔር፤ ወለወላዲቱ ድንግል፤ ወለመስቀሉ ክቡር

 

ጎተንበርግ